Fjölskyldan;
Páll Eyjólfsson CV kvæntist Signýju Kjartansdóttur 5. janúar 1980 og eiga þau 2 dætur, Aldísi Pálsdóttur, fædd 17. september 1980 og Veru Pálsdóttur, fædd í desember 1993.  Þá kom í heiminn fyrsta afabarnið 2. júní 2006 Aldísardóttir og Sindra Birgissonar hún Magnea litla, sem eignaðist líka lítinn bróður 11. október 2010. Þriðja ömmu- og afabarnið bættist svo við í nóvember 2017, Sylva Sól Veru og Styrmisdóttir og það fjórða er hún eignaðist lítinn bróðir, Storm Snæ í júní 2021.

Signý hannaði heimasíðu Páls 2001 af því tilefni að 20 ár voru þá liðin frá einleikaraprófi eiginmannsins, 8. mars 1981. Gítarinn hefur verið aðalatvinna og -áhugamál bóndans frá fyrstu kynnum og alltaf verið ljúfur grunntónn í fjölskyldulífinu.

Eldri dóttirin Aldís tók 5 stig á fiðlu á uppvaxtarárunum sínum heima og fyllti heimilið af gull og silfurmedalíum fyrir badmintoníþróttaiðkun. Aldís varð stúdent frá MS vorið 2000, þar sem hún m.a. var í kór, leiklist, tók þátt í ófáum söng- og hæfileikakeppnum ásamt því að vera í skemmtana- og ferðaráði sem og gjaldkeri skólafélagsins, milljón varð í afgang og var gefin starfsemi Barnaheilla. Hún tók þátt í Ungfrú Ísland vorið 2002, var kosin vinsælasta stúlkan í Reykjavíkurkeppninni og hafði gaman af. Aldís hóf nám í margmiðlun og ljósmyndun í Danmörku í ársbyrjun 2001 og útskrifaðist frá Medieskolerne í Viborg 1. september 2005. Á námsárum sínum í Danmörku starfaði hún m.a. sem aðstoðarljósmyndari hjá Steen Evald ljósmyndara, sem er einn af dönsku hirðljósmyndurunum og fékk Aldís að taka myndir með honum í höllinni af prinsum og prinsessum. Þá fékk hún einnig skemmtilegt verkefni við tískuljósmyndun í Egyptalandi á námsárunum í Danmörku og mörg fleiri verkefni fyrir IN blaðið í Kaupmannahöfn. Vann á árunum 2014-2019 sem ljósmyndari og yfirmaður ljósmyndadeildarinnar hjá útgáfufélaginu Birtingi og verið sjálfstætt starfandi ljósmyndari í Reykjavík www.paldis.com - Vonandi verður þetta henni gott veganesti; Kvæði

Vera útskrifaðist úr Versló, æfði handbolta með meistaraflokki kvenna hjá Fylki og síðar Gróttu. Útskrifaðist með BS úr jarðeðlisfræði frá HÍ vorið 2018 og lauk Mastersnámi frá KÍ/HÍ 2023. Kennir raungreinar á framhaldsskóla stigi; vera

Á árunum 1983 - 4 og síðar 1989 - 1993 unnu Páll og Signý sem fararstjórar fyrst hjá Ferðamiðstöðinni sf. og síðar Ferðaskrifstofu Reykjavíkur hf. fyrir Íslendinga á Benidorm á Spáni, yfir sumarmánuðina, í samstarfi við spönsku ferðaskrifstofuna Viajes Costa Blanca en Benidorm er í nágrenni við Alcoy, heimaborg meistara José Juís González JLG.

Ættin;
Páll er sonur Aðalfríðar Dýrfinnu Pálsdóttur (1933 - 2023) hússtjórnarkennara frá Sauðárkróki og Keflavík í Hegranesi og Eyjólfs Pálssonar frá Hjálmsstöðum í Laugardal (1930 - 1967) Samvinnuskólagengins skrifstofumanns hjá Loftleiðum og harmonikkuleikara. Eyjólfur lést aðeins 37 ára gamall, frá 3 ungum sonum árið 1967.

Nýlega hafa fundist skemmtilegar upptökur hjá RÚV þar sem Eyjólfur leikur ásamt hljómsveit á dansleik í útvarpssal  er hljómsveitin flutti "Gömludansalögin" á gamlárskvöld 1965 eða 1966, en hljómsveitina skipuðu þá: Jóhannes Eggertsson á trommur, Eyjólfur Pálsson á harmonikku, Magnús Guðjónsson á píanó, Einar B. Waage á bassa, Vilhjálmur Guðjónsson á klarínettur og Grétar Guðmundsson syngur. Upptökuna gerði Sigþór Marinósson. Sjá mynd frá svipuðum tíma; mynd (ekki er víst að allir sömu séu á myndinni og upptökunni, bassaleikarann vantar allavega á myndina og trúlega situr þar annar við píanóið, en Eyjólfur er vel þekkjanlegur á harmonikkunni, yfir 1,90 m. á hæð)

Bróðir Eyjólfs, Andrés Pálsson bóndi á Hjálmsstöum í Laugardal var til æviloka organisti í Miðdalskirkju og systursonur Eyjólfs, Jón Björnsson (1935-2008) var organisti í Borgarnesi. Afi Páls, Páll Guðmundsson (1873 - 1958), bóndi á Hjálmsstöðum, (átti 15 börn með 2 eiginkonum) var þekktur hagyrðingur og ötull við að ferja erlenda ferðamenn inn á hálendi Íslands, en margt um það og aðra lifnaðarhætti landans má lesa í ævisögu Páls á Hjálmsstöðum 'Tak hnakk þinn og hest' sem Vilhjálmur S. Vilhjálmsson tók saman og Setberg gaf út 1954. Áhugaverðir kaflar eru m.a. um mannskaðann á Mosfellsheiði, er bændur úr Laugardal á leið í ver á Suðurnesjum urðu illa úti og um lagningu vagnfærs vegar 'Kóngsvegarins' að Geysi í Haukadal fyrir konungsheimsóknina 1907 - Sagan segir einnig um Pál á Hjálmsstöðum að Einar Ben hafi boðið honum með sér í siglingu til Englands, til að sýna Bretum hvernig ekta Íslendingur liti út í raun og veru. Næstyngsta soninn skýrði Páll Ásgeir, eftir skiptstjóranum, en yngsti sonurinn var skýrður Eyjólfur í höfuðið á föður Rósu, frá Snorrastöðum, seinni eiginkonu Páls. Rósa kom kornung yfir bæjarlækinn til að sinna Páli og Þórdísi Grímsdóttur, frá Laugardalshólum, fyrri eiginkonu hans, er hún lá banaleguna, og þeirra 8 börnum, þar af var eitt nýfætt.

Um 1982 hóf móðir Páls, Aðalfríður Dýrfinna sambúð með Steini Mikael Sveinssyni (1930 - 2023) frá Tjörn á Skaga, lengi starfandi á lager Hitaveitu Reykjavíkur. Stefán Íslandi stórsöngvari og Aðalfríður voru skyld, (faðir Öllu bróðir móður Stefáns Íslandi) svo tónlistaráhugi Páls kemur úr báðum ættum.

Páll á 2 yngri bræður, Gauk Eyjólfsson (1961) bifvélavirkja og meistarakokk og Stefán Eyjólfsson (1962) viðskiptafræðing og bifreiðasmið.

Signý er miðdóttir hjónanna Kjartans Ólafssonar (1933) sagnfræðings, fyrrv. ritstjóra Þjóðviljans og alþingismanns og Gíslrúnar Sigurbjörnsdóttur, (1934) handavinnukennara. Kjartan og Gíslrún eiga 5 dætur, Eddu (1958) bókmenntafræðing, handavinnukennara og M ed, Höllu (1959) Cand Mag í íslensku, þýðanda og menntaskólakennara, Signýju (1960) skrifstofustjóra, Ingu (1965) skristofumann og Kötlu (1975) þjóðfræðing og MsC nú í doktorsnámi. Kjartan Þórðarson (1974) Cand Merc í hagfræði, elsti sonur Eddu ólst að miklu leiti upp með okkur eins og bróðir okkar, allavega Kötlu.

CV